मंगलाचरण

(१)

गाइए गणपति जग वंदन, शंकर सुअन भवानी के नंदन ॥
सिद्धि सदन गज बदन विनायक, कृपा सिन्धु सुन्दर सब लायक ॥
मोदक प्रिय मुद मंगल दाता, विद्या वारिधि बुद्धि विधाता ॥
माँगत तुलसीदास कर जोरे, बसहु राम सिय मानस मोरे ॥

दोहा

गौरी पुत्र गणेश को सुमिरौं बारंबार ।
विघ्न मिटे संकट कटे, मंगल होत अपार ॥
लम्बोदर भुज चार हैं, नेत्र तीन रँग लाल ।
नाना बरन सुवेश है, मुख प्रसन्न शशि भाल ॥

(२)

  विघ्न निवारण सब सुख कारण भक्त उद्धारन ग्यान धनम ।

दैत्य विदारण परशा धारण सिद्धि कारण देव वरम ॥

गिरिजा माता षडमुख भ्राता शंकर ताता कीर्ति करम ।
 भूसुर रक्षक मोदक भक्षक ग्यानी लक्षक बुद्धि वरम ॥

शूण्डा दण्डम तेज प्रचण्डम इंदु खण्डम भाल धरम ।
      गज मुख मण्डित ओज अखण्डित पूरण पण्डित ग्यान परम ॥

गिरिजा नंदन भवदुख भंजन काटत बंधन पाश धरम ।
द्वंद्व निवारन मंगल कारण करि वर धारण शीश वरम ॥

    अति शुभ लक्षण वीर विचक्षण जन प्रन रक्षण सिद्धि करम ।
                    जन गन नायक शुभ वर दायक दास सहायक विघ्न हरम ॥